赤柱遊

一般在週日我都會拉父母上街走走.原意是免得他們待在家裡不動,後來才知道其實他們都有在區內遊走,反倒是我每天活動範圍不外是公司或家裡,這個週日的市內遊可能變得是為了我的~

那天去了赤柱.一直都很喜歡海邊,也很喜歡赤柱,因為有一個很不一樣的感覺,彷彿到了外國似的.可是從我家到這裡挺費周章,所以已經很久沒到這裡了.

現在那裡多了一個海濱走廊,有些小店,還有座的地方,雖然只有很短一段路,還是可以走走的.

那裡賣的東西也很有特色.雖說大都是只有遊客才有興趣的有中國特色的東西,可是我找到一家店賣的麻質衣服設計很漂亮呢,價錢也不貴.只是麻質衣物要燙,太麻煩了,所以我沒有買.

吃的方面,我都愛跑到海灣尾的大廈吃.這天找到一家有全天供應的"早餐"還送任飲bloody mary,所以大白天的我就開始喝這個了.也許是免費任飲的關係吧,酒精不是太厲害,所以我也喝的了.
另外也點了一個普通的套餐,份量反而不及"早餐"多

在門口看到這頭寫滿東西的牛雕塑,還寫有"干炒牛河".好像到哪都看到這樣的雕塑,不過意味不明

來自JUN的賀卡

 
這張是JUN寄給我的賀卡…不過此JUN不同彼JUN.
 
自從認識了JUN後,對日本人的好感度上升了,尤其是叫JUN的日本人.
 
去年出席客戶的宴會,坐在鄰桌的是一班日本人,其中一個長的又高大又好看,心想要是他也叫JUN就好了.剛好他們公司得了些什麼獎,我上前祝賀他們.拿了他們的卡片一看,其中一個人的名字就是叫JUN,,再看卡片的背面,原來居然是跟JUN的名字是同一個漢字,我心中一陣高興,馬上看清楚卡主是誰…可惜,不是長的帥的那個…
 
這賀卡就是那位不認識的JUN在新年的時候寄給我的.

Apr 09 台灣之旅 – 公幹

到了公幹的那一天了,一早我就拉住個箱去公司推介個間check-in.

出發前係報紙見有間旅行社既團都住呢間,稱呼佢為"超5星".果然房間好舒服,據網上資料,間房有大約40平方公尺(400尺?).我住緊間屋都好似無佢咁大.張床好舒服.而且仲有一張好軟綿綿既躺椅.

不過最唔好就係internet好貴.搞到我無得上網睇JUN既節目,討厭!反而"衰格"internet係免費既.

而且間酒店雖然係公司推介,但係離公司都幾遠.打的都要成20分鐘.咁遠都仲推介,真係莫名其妙.不過另外一間推介既係出名既鬼酒店,就好近公司,雖然我一般都唔怕,不過無謂搏啦.

我去返工,阿媽自由行.不過佢話台北D車好似好得人驚,唔敢過馬路,所以唔敢去遠既地方.係附近行又怕盪失(結果佢真係盪失,行左成3個鐘先返到酒店).

我因為放工去左同事屋企玩玩佢D貓,去搵阿媽時都差不多7點.即刻打的去JUN去親台灣都要食既鼎泰豐食晚飯.去到門口,多人多到想掉頭走.不過附近又無咩其他好似好食既店,唯有照攞位.點知原來個D係度等既人都係一大堆既,我地2個人好快就有位了.

坐低叫左小籠包,一個牛肉麵,2個小前菜.小籠包味道我唔覺太特別,不過皮真係薄.牛肉麵個湯好濃,阿媽話牛肉都係靚野.當日返工要用腦,食完好似唔係好飽,睇下MENU,唔係太多選擇.唯有叫個雲吞湯麵.Again,d皮薄似紙,晶瑩剔透,可能個肚有D野到肚,開始識欣賞食物了,覺得唔錯

到離開既時候先發現我竟然無去到101…不過可以睇到D好靚既海芋,我已經覺得值了~

Apr 09台灣之旅- 陽明山

係酒店一夜無事.第2日起身去食酒店個自助早餐.完全有B&B感覺,好有家庭FEEL.而且因為我同阿媽前一日舟居勞頓之後,瞓晏左,起身去食早餐時差唔多係尾聲,D食物差D無晒,幾乎要搶.

好壞都係一餐,食完,我地又出發啦.今次去台灣我想去睇花,剛好我出發前有一個好好既台灣同事V來香港公幹,介紹我去陽明山睇海芋,即係香港人叫既馬蹄蘭.又推介我去山上食農家菜.台灣同事仲好熱心幫我搵埋交通資料印埋俾我,一條龍服務,真係感動到我喊.

可惜個日出發時,一時心急,唔記得攞張紙.只好亂來.不過個時正值花季,係劍潭落左捷運,一話睇海芋,人地都會教我係邊度坐車,邊度落.而且我發現個度D巴士司機會每個站都大聲人肉報站叫個站名,有人上落仲會"多謝","小心",好有禮貌.

都怪我平時鬧阿媽太多了,出門都唔好天.個日又係天陰陰,而且都幾凍.出發前阿媽帶左件冷外套,我以為天氣會好熱幫佢拎起左,結果凍到佢死死下.本來天氣報告仲話會落雨,可能老天爺見我阿媽係度俾分薄面,無落到.不過我地都係"衰格"借左把遮(其實可能係人地留低),俾阿媽借力行路.

去到山上,再轉車去竹子湖.去到竹子湖,放眼望去好多馬蹄蘭,好靚.有好多人係度賣花,4扎NT$100左右.有d NT$10支.又有可以入花田自己摘,又係NT$10支.

個度因為空曠,風大到人都吹跌.不過我地D咁有斤兩既人當然唔會跌啦.不過都係避避好.當地人果然識做生意,係花田附近有賣生果既,有食飯既,仲話可以車你去浸溫泉既.當日咁凍,當然係食野先再講啦.阿媽搵左間個門口女仔好似對老人好細心既店坐低.叫左一碟雞(希望係農家雞嘛),一碟唔記得什麼菜,一碟…自己睇相啦.個度間間店都係白飯任裝,清茶任飲.所以我地2個人3個小菜都食得好飽.而且味道除左個碟紅紅綠綠既之外都幾好食.

食飽飽之後,去做正事啦.我同阿媽走去D馬蹄蘭花田度同D花近距離接觸.而且D花真係好靚,白色既花襯埋D深綠色既葉,影出來既相都好sharp!

因為當日太凍了,看完花,我地就離開陽明山了.

回程時,因為劍潭站就係士林夜市所在地,順便去行左陣.阿媽仲買左D香腸返屋企食.士林除了有夜市,原來仲有一個好似女人街既地方.本來想乘機買件衫著,可惜D舖頭全部好有前瞻性,賣夏天衫…所以買唔到.不過有係個度大吃小食.

返到酒店,因為之後星期一要返工,我可以搬去公司推介既酒店,所以事先搵下間酒店係邊.原來真係好近"衰格",一轉角就到了.

Apr 09 台灣之旅-淡水

好啦,我同阿媽終於出發去台灣啦.好彩出發既的士錢可以開公數(雖然我仲未claim),所以可以俾阿媽享受下坐的士去機場的滋味.

因為怕阿媽太勞累,唔敢安排太多地方去.打算第一日去淡水,第二日去陽明山睇花~行程簡單,令人目瞪口呆…(想想我付出的金錢換來這樣的行程,真是太"值"了!!!)

落左機,坐的士去我地間"衰格"酒店(只係諧音,酒店本身OK).未出發前,我問左飯友酒店既情況,答曰,門口好唔起眼,所以我print定個地址.同的士大哥講個名,佢一臉茫然,即刻俾佢睇個地址.好彩碰著個負責任既的士大哥,幫我地送到門口仲因為無錢找俾我,幫我拎埋行李入酒店.可能你會奇怪,送到門口有咩咁奇?點解的士大哥幫我拎行李我咁感動?因為"衰格"個門口真係唔起眼到…唔講仲以為裡面係間餐廳…而且係無bell boy幫你開門攞行李.我拖住阿媽,當時又落毛毛雨(加埋D音樂就直頭好似拍悲劇咁),都幾狼狽.

叫間酒店"衰格"其實都唔係完全因為諧音,佢既一般check-in時間係下午3點.我個日搭早機去,到酒店都只係11點左右,佢死都唔俾我地早D check-in攞房放低行李(公司推介個間就唔同呢,人地好爽快咁應承我11點攞房).只好將行李擺係reception旁邊,(你無睇錯,佢地係無房俾客人擺行李既)出發去食午餐同玩.

一下無問飯友酒店附近有咩好食,行左一陣都只係見到日本餐廳,無間0岩阿媽食.加上個排可能我鬧得阿媽多有報應,0岩0岩0個個禮拜,酒店附近捷運停駛,要搭接駁巴士.因為weekend所有使費都無得報消,我又唔知去淡水打的有幾貴(據飯友講,坐捷運要成個鐘),唯有死死地氣坐接駁車去就近既中轉站.

中轉站果然係旺好多,睇到有D平民食店,即刻坐低醫左個肚先(唔知點解,飛機餐只有一個麵包?!餓到我死.我張機票成3千幾蚊居然只係俾包我食?!).

食左野,我充滿力量啦.即刻買2張悠遊卡向淡水出發(死啦,而家先講到出發,但係我已經佔左咁多版面了…).

飯友提供D資料真準,坐捷運大約一個鐘頭後到了淡水.阿媽要去洗手間,我周圍行見到個有賣我地個客既產品既機,拍照留念先

知道淡水有個紅毛城,是當年荷蘭人統治台灣時期的遺址,根據路標行過去一睇原來係去紅毛城既巴士站.個日搞左一輪都有D晏,所以唔去啦,係淡水捷運站影張相扮去0左啦.遠睇好似有D似天安門呵

離開車站,行去食街,人山人海,好多小食賣.阿媽都睇到好興奮

本來想係淡水食晚飯,所以一路行一路留心有咩好食.不過見到賣既都係小食:臭豆腐,香腸,燒魷魚等.行經一檔土耳其雪糕檔.檔主用一枝金屬鏟將D雪糕左舞右舞,嘆為觀止.不過買雪糕個小朋友一定係想快D攞到個雪糕食,唔想睇佢舞龍啦,哈哈~

淡水有另一種雪糕好出名,就係50cm+咁高既軟雪糕,一般人食唔到咁多,所以有細D既10cm size,我買左個抹茶味既,相中模特兒就係我今次既旅伴啦

說時遲那時快,行到海邊啦.有船過對面岸八里.不過當日天氣唔好,八里聽講都係食海鮮,我同阿媽2個人唔打算食,所以無過去啦.係岸邊睇到有隻不知名既鳥,好似幾有意境.再向前行,見到有個老外雕塑,雖然唔知係邊個,都係影左張相先

話說淡水都幾多老外野,行行下,又見到個頭像,唔理影左先算.奇怪做咩淨係做個頭唔做埋個膊等"人"座得平穩D嘛(呢D可能係藝術掛…)係個頭像後面,有間好有特色既屋,好似係間印度餐廳/BAR,不過個日我想食台灣菜,印度菜唔0岩食,無試到

個度仲有唔少有特色既店,有一間買貓狗樣精品既店,我真係應該係個度買D手信俾我個貓痴朋友…後悔啊…又睇到一間買…我唔知叫咩…係陶瓷造既吹奏"樂器",有貓貓造型可供選擇,可惜我又怕打爛無買到,結果無手信俾人…不過睇到我好鍾意既teddy bear公仔,可惜屋企細,我又有鼻敏感,如果唔係真係想抱隻返屋企.好啦,不在乎天長地久,只在乎有相留念啦

係淡水食左D據說當地好出名既魚丸湯,買左D魚酥蝦酥做手信,就返市區食晚飯啦.

Apr 09 台灣之旅-前傳

4月的時候,台灣同事回歸了,老細可能知道我好"恨"出trip(因為我成日話,我最遠既trip就係去九龍開會…),所以安排我去台灣做個training順便交流下.本來一早想去(當時係plan淨做training),但其他同事可能怕我地budget有限,唔好意思叫我去,所以一拖再拖.搞到我都由好開心可以出trip變到避得就避.不過team mate回歸,都要去交低下,所以終於可以成行.

我以前出TRIP都會順便係當地玩下.今次因為台灣咁近,只可以留一晚.台灣我都好耐無去,所以想weekend過去先行下.問了"飯友",知道係公司"推介"酒店附近有一間商務酒店OK平(公司推介的成千幾蚊晚,我住唔起…),NT$2000左右一間雙人房.老實講,呢個價錢對我都頗貴(我同事係同朋友去share既),所以第一時間想搵人一齊去,減輕負擔.問xHS,答曰"無可能請到假".其他人又唔敢問,唯有打算自己一個去.返屋企講笑咁叫阿媽一齊去,點知佢馬上話好.佢呢個答案真係出乎我意料之外,因為佢話過最唔鍾意去台灣,點知今次答應得咁爽.可能佢怕我自己去會悶,(其實我已經好慣自己一個四圍去),所以唔想去都去…唔知佢啦.既然佢咁熱心話同我去,唯有幫佢搞簽證,訂機票.因為老細叫我訂可以隨時改期既票,所以我局住要幫阿媽訂CX.搞搞下,唔單止無減輕負擔,反而搞到我個holiday貴好多…不過阿媽興致勃勃,我唔通叫佢唔好去咩…只好貴D都硬著頭皮照去.

日影-SWING GIRLS

今天經朋友介紹下,看了一部日本電影swing girls(香港上演時好像譯作"喇叭書院").

這是2004年拍的.說的是上野樹里, 貫地谷 Shihori, 本仮屋 Yuika, 豐島由佳梨扮演的一眾女主角在一個很特殊的情況下被由平岡祐太扮演的男主角拉雜成軍開始組織了一個爵士樂團,而開始接觸音樂還有爵士樂.

故事由這些女孩子都不知道音樂,不喜歡爵士樂,演變成即使遇到種種困難,她們還是不放棄練習演出.看下來感覺跟"5個撲水的少年"很像,不過主角性別換了(=>),內容都是很輕鬆勵志.

而且故事發生的地點是日本東北地區,在攝影師的鏡頭下,那些田園景色真的很明亮悅目.

據朋友說,那些演員都因為拍這戲而真正學會了演奏爵士樂樂器,並舉行了2場演出.要這是真的話,那可不簡單呢.很佩服這樣的演員,拍戲不是在那隨便裝裝樣子,而是認真去學戲裡需要的東西,好使拍出來的影片更有說服力! 這才叫專業啊~

Previous Older Entries