130621-24_高雄台南四天遊

跟舊同事”妹妹”A約左好長時間話要一齊去旅行,本來話要去西安,但因為禽流感,”妹妹”唔敢去;改去日本又因為我地太忙,等有時間訂”飛”時,機票已經漲到不合理的價錢,最後唯有改去高雄.於是係國泰假期訂左早機去晚機返加3晚國賓大飯店套票,每人約3千5.

第一日,係機場同A會合搭11點港龍機去高雄.高雄機場比想像中細,所以好快就辦好手續出關.酒店有人係閘口舉牌接機,A從未試過如此待遇開心到話想叫司機叔叔舉住張牌俾佢影張相,可惜說時遲那時快,司機接左我地(同時仲有一對夫婦)就掉左張紙…

到左酒店12點幾,要3點先有房.我地先去四圉行下.結果發現好多店都未開門.明明係星期五食晏時間都唔開門真係奇怪(聽講因為天氣熱,當地人一般都唔會咁”早”出動).因為我地想食當地野,所以搵左一間街邊店坐低食魯肉飯IMG_1506(搵佢係因為見到有人食D好似好好食既飯盒結果發現個D人係員工而飯盒係第二度買既=.=)

食完係附近搵到間叫”杏福巷子”的杏仁豆花店IMG_1511,店舖好有特色好懷舊IMG_1507 .仲有好多呢種公仔,一問先知原來係高雄”有名”既大同電器(出名賣電鍋)的代表公仔,叫大同寶寶IMG_1513.據係店裡個位當地人講,間店係當地好有名,不過係巷裡面有D難搵(而家係街度有個好大個易拉架).餔頭個肥仔老闆好熱情,知道我地係遊客又無計劃點玩,好著緊話出黎玩無計劃會好浪費.仲教我地點玩.

同肥仔吹完水差唔多可以攞房,我地返酒店放好行李,再出動去旗津食海鮮.先坐捷運到西子灣轉船(NT15).落船聽講到旗津風車公園有8KM,想租架單車.但我又唔識,A好唔話得,即刻學電動單車(NT250)載我IMG_1529.始終新學,好不幸我地途中”炒車”,搞到去到風車公園都已經差唔多要即時折返還車.唯有捉住一個係公園抹電單車既男人叫佢車我返碼頭,A自己揸架電舫單車返黎.還左車,我地痛住都要食海鮮.D海鮮唔貴,我地叫左一碟海瓜子,墨魚仔,蛤,山穌菜,冬瓜茶,共NT590 IMG_1531.食完坐船返西子灣仲每人食一碗雪花冰(NT35)

IMG_1541.是夜本來想去六合夜市,不過因為炒車影響左身心,所以返酒店休息療傷.

第2日,係酒店食自助早餐(每枱放個牌等人地知道有人坐,食完D人真係會交返去IMG_1546).因為前一日炒車,我地跌傷隻腳,驚住走遠路唔得,改為市內觀光.首先去中央公園對面既 新堀江商店街,一如所料,大部份舖頭未開,隨便搵左間30年老店食火雞飯IMG_1555就轉車去駁二藝術特區DSCN9296.去到駁2,知道有架”哈馬星”旅遊巴只要NT50就可以去好多地方DSCN9297(而且意外地仲有個大叔係車度講解景點IMG_1575),即刻去坐.由於我地知道架車時已經距離最後一班車只有大約2個幾鍾,我地決定先坐一圈再選擇性落車,點知架車返到總站就趕晒我地落車.總站係一間火車博物館前(打狗鐵道故事館)而下一班車又未開,所以我地參觀下火車博物館(呢度如果傍晚黎影相會更靚 DSCN9299).A想去打狗英國領事館官邸(NT30),睇完仲見到大船入高雄港既震撼場面(隻船大到成個島咁高都可以入港無難度 DSCN9317).晚黑去比較無咁多遊客既瑞豐夜市IMG_1627.唔知點解天時暑熱但係夜市可以坐低食既都係D火鍋呀,鐵板燒之類,好彩我地最終係夜市最邊皮處搵到間食海鮮既IMG_1630(我地食左碗海鮮粥同蟹肉NT220)

第3日去左原定第2日去既台南.我地先坐捷運去高雄火車站坐台鐵(NT106)去台南,只要30-40分鐘車.再係火車站坐99號車(88都去到,不過99少好多站快D)去安平老街.係安平老街亂行一氣食左綠豆冰,擔仔麵,棺材板,蝦卷,鼎邊銼,見到一間小學,外牆有好多小朋友留言,好有意思,比我細個人人都寫既萬里長城長又長…言簡意賅得多 DSCN9429

最後一日雖然晚黑7點機走,但D舖頭好晏先開高雄又無咩睇,所以我地主要係去三多商圈買手信.不過都有食返碗牛肉麵同雲吞麵IMG_1695,可能台灣牛肉麵出名,點差都好食,所以碗牛肉麵都唔錯,不過雲吞麵就唔得啦.最後再食碗紅豆豆腐花IMG_1697.返酒店個時都要影返張鴨店.事緣呢間鴨店我地日日都行過.我地日日出門既時候都話晚黑買(此處不可用叫>_*)隻鴨返酒店,不過晚晚我地返酒店時佢已經關門. IMG_1696

另外高雄機場係咁樣既IMG_1710,裡面既商務候機室攞食物區比較細 IMG_1705

130430 – 澳洲睇演唱會

澳洲紙咁貴,我當然唔會真金白銀去睇演唱會啦.話說上文講到同我4月份一齊出差的美國同事S份人好可愛,呢度可以解釋到點人見人愛,車見車載法.

S係我based係美國總部的同事,由於時差關係她4月27日到OZ,我雖然早過佢到不過請左2日假伴屋企人,28日先同佢會合所以27日佢自己一個.

故事就由此開始:話說S27日自己食完飯去酒店內的酒吧飲酒.飲到半夜有個好高大好性感的男士坐係佢旁邊後來仲問S攞煙食(等我以後都放包煙係身先).好自然地佢地傾起來.S飲到有少少醉問人係咪做金融(雖然後來佢自己都話人地化晒妝畫晒眼線點睇都唔係做banking)?男答自己係英國一隊ROCK BAND的成員,S心想成日都有人車大炮話自己係咩名人,搞到佢都差的想答自己係富豪大亨個女.男問佢來緊幾日有咩做,S答”你睇我一個人係度飲酒就知我幾多節目啦,無野做呀”.男話”我來緊有個演唱會你都來睇啦”,S膚顯(唔記得點寫遲D補返)佢話”好呀等我上網買張飛啦”.男話”所有飛賣晒啦,你有興趣我請你去唔使買0架”.S酒醉都仲清醒話”我同埋個同事出差,如果有飛我要2張”然後俾左自己張卡片男方.

後來S上網查先知原來男方真係band友,但係個晚大家都醉醉地都唔知係咪吹水0既.而且個晚之後S雖然見過佢地個主音(S話我地有日係lift都撞到佢,不過我完全無印象,所以我都估唔係我鍾意個種靚仔,後來見到完全係典型英國”死靚仔”一個)幾次但無再見到男方了,所以唔知人地係咪記得.我同S講平常心,如果真係聯絡我地,我地就去睇如果唔係咪算.結果開show前一日,個band manager用電郵聯絡S問我地係咪真係有時間去.既然唔使錢我地當然話去,人地就留左3張飛(唔知點解3張?)俾我地.S唔想浪費人地一番心意仲即刻係公司度問有邊個可以一齊去.我係OZ Office都唔識人淨係識A君個老闆.但A君老闆個晚唔得,不過全靠佢幫我地問到原來reception妹妹係個隊band 0既fans,所以我地3個一齊去.本來我都係抱住有得去就去,無就算.而家有得去,搞到我都緊張埋,結果仲買左一埋行頭去睇concert(我帶去0既全係返工衫,唔適合睇rock show).而且我同S仲係個幾日猛聽隊band的歌費事到時一首都唔識.好彩隊band只係出過幾張CD,還好.

結果個show真係好rock,嘈到拆天,個主音不愧係後生仔,成個幾鐘係度跳來跳去,S個”男友”就cool曝.去睇show既全都係後生女多,少量後生仔,我同S真係將全場既平均年齡向上拉高左唔少.S既飛原來包埋after show party既.係完show後可以係會場個bar度同隊band吹水既.個show 9:30pm開始10點幾未到11點就完.Reception妹妹第日要一早返公司開門等唔到隊band出來就走左.佢離開左都無15分鐘,隊band就出來了,S個”男友”仲有過來同我地吹左下水,真係好有禮貌.

由於第日我地都要返工,所以雖然S好唔情願我都拉左佢走,走時都成點幾啦.雖然第日返工眼瞓到死,不過有咁好玩的經歷都唔錯啦

1304-05 澳洲雪梨行

自去年轉長工後忙的要死,搞到我的blog都甩晒,趁記得快快補返.

今年係我極力爭取下,老闆批了我接受再”培訓”.本來又要去美國總部,不過後來聽到S要去澳洲train另一team人我當然即刻要求將我的再培訓合而為一(咁我先可以去埋一份嘛),老闆亦批左(咁做係win-win因為淨機票都平成半),仲俾我去2個星期.我本來只望去一個星期,然後請一個星期假休息下,而家去2個星期,只係頭尾請幾日假,係閒日出發,咁樣我父母張機票平D.

公司係北雪梨但係S訂左Circular Quay附近的酒店,所以我亦訂埋一齊Image.可能入住時係週日,雖然我住成2個星期,酒店都只係upgrade我住海景房.S就upgrade到套房,不過我對住房無要求,太大係房移動仲煩而且我一個人,套房有咩用?!

這次因為S從未到過澳洲而且她好似好怕寂寞,所以我雖然去左2個幾星期,其實見到我哥的時間只有4,5天.大部份時間我都係同S一齊.而且西人食野好鍾意食過一樣野好食就食極都唔厭,S就係咁,所以我地晚飯(中午無得講一定係公司附近食加上我地仲要俾卡選擇更少)雖然係公司俾我地又住遊客區大把野食,但係我地食來食去都個2間:日本菜Yuki@Quay(個度的生蠔加埋個汁又真係好好味Image,味噌湯亦都係我飲過最好飲既)同一間意大行餐廳好似叫Eastbank(個度的carbonara意粉好好味,係我一直在找尋的味道).加上S好鍾意飲酒,晚晚食完飯都話要去飲野,開頭我都乖乖奉伴不過後來見晚晚如是,我就改係食飯時叫堆酒水咁就唔使搞到好夜瞓.不過S係一個好可愛的人,有”美”相伴始終是樂多於苦的.

我去完澳洲返來無耐,老闆就出通告話無錢,所有唔係同客開會的出差都要停,好彩我個trip去得快如果唔係…..哈哈