小鮮肉

有一段時間,係公司成日聽同事叫一個新人做“小鮮肉”,我當然知道咩意思,不過係公司我要保持形象,而且我亦唔覺新人何“鮮”之有,所以都係笑笑就算。

不過最近無意中睇左大陸一套電視劇“微微一笑很傾城”,個男主角得個廿幾歲,真係“鮮肉”。套戲其實好簡單,不過男主角無chok 得太過份,而且透過部戲,我學識左一些大陸後生仔的用語,仲想搵日試試網絡遊戲。其實我覺得套戲名用來形容男主角好合適,真係微微一笑好傾城,笑多d仲好睇,吸引到本“黑山老妖”日睇夜睇。

睇完時裝小鮮肉,老妖欲罷不能,再搵搵有咩戲睇。

我幾經辛苦,終於搵到另一套,叫“太子妃升職記”。睇網上的人話套戲低成本但好低能,係工餘放鬆的不錯選擇。即管睇睇啦。不睇尤自可,一睇不得了,又係欲罷不能。套戲其實真係超級無敵白痴,而且真係睇得出成本好低,服裝初初睇個陣真係覺得無語,但難得一眾演員雖然名不見經傳,雖然係低能劇本但都好認真演出,而且男主角(係,又係男主角,不過其實女主角亦都幾好)好酷好有型。上網查下,原來呢個男主角仲“鮮肉“過「微微一笑」個,果然大陸13億人口有好處,選擇多。

Advertisements