餐廳-K11大都烤鴨

因為要幫親戚買表帶,所以又再去了K11.這次去了上次無去到的大都烤鴨.

去之前上網看看大家的評論,好像說點心不錯,餐前小食好貴.我點的是午市套餐.2人套餐有2款,既然店名叫烤鴨,當然要試試他們的鴨,所以選了$268的淮州套餐.

可能套餐多人點,本來以為會先上小食,結果先來的是湯羹,然後是津白同小籠包,再來才是小食.

湯不錯,味道不會太咸,鴨味不會太濃.

津白的上湯幾濃厚,菜也煮得很稔.小籠包都算皮薄,不過香港好多小籠包都唔錯,所以大家的要求都推高晒。

小食幾特別。第一口食下面那樣,以為鴨肝,不過好稔。都係媽咪醒,食出係磨菇。魚塊都唔錯,好厚肉。

好快炒麵同鴨架都上埋。炒麵有鴨肉絲,唔錯。

鴨架係最濃味的,我覺得配炒麵食過咸了。

 

茶水有普洱,烏龍茶同龍井可選。我們飲龍井,幾香。

埋單連茶錢加一,三百頭。我覺得可以接受,因為服務環境都幾好。

 

 

Advertisements

電影-打死不離3父女

最近睇左呢部印度電影,好勵志,推介。

故事講一個摔跤手後生時雖然貴為全國冠軍,奈何摔跤係印度並不普及,所以為生活所迫放棄繼續做摔運動員為國爭光的夢想。不過佢並無放棄,轉而將希望投放係自己下一代。可惜,太太一生4胎都係女,無奈只好放棄。

點知上天為佢打開另一條路,佢發現2個女好有摔跤天份,於是用心培養令2個女都分別成為全國冠軍。雖然大女曾經係去左國家隊之後因為教練的方法唔適合而輸左世界賽,不過係2女鼓勵下,佢同爸爸認錯請老豆偷偷地訓練佢.因為老豆的訓練比較啱佢,終於令佢係英聯邦運動會拿左女子摔跤55KG比賽金牌,圓左佢同爸爸的夢.

呢部戲係改編自真人真事.係印度女人地位低微,呢2個女真係為好多女仔吐氣揚眉.

網上好多人都話做老豆太無人性,為左自己圓夢迫2個女又剪頭髮又著到成個男仔咁受訓.不過再睇資料,原來爸爸同2個女約定試一年,結果2個女係限期內自己決定要繼續.我覺得有時小朋友你叫佢練野,佢當然覺得辛苦,被人虐待.呢個時候大人要迫佢地等小朋友接觸下睇下佢地有無興趣.而且我認為如果唔係爸爸咁強勢幫2個女排除萬難頂住外界的壓力,2個女想成功,想玩摔跤都無可能.

 

餐廳-K11霞小飛

今日想去K11幫表嫂買表帶,拉埋阿媽陪我.表帶要等查下有無貨,就想係K11食埋中午飯.客戶服務中心介紹去B2的霞小飛.

聽個名已經估到係食上海菜.係K11裡面算大眾化的選擇.所以坐位唔算好舒服.

我問一個男仔,廁所係邊,佢答出商場,不停轉左,聽完真係無言語.不過有幾個後生女仔服務就好細心.整體都算唔錯.午市有幾種選擇,$88麵餐,碟頭飯或小菜套餐(記憶中$248兩位).媽咪擔心小菜套餐食唔晒,所以點左2份麵餐.

麵餐雖然$88不過有4選1小食,4選1麵食,4選1點心,再有一杯豆漿.

小食我地點左雞絲粉皮同烤夫(唔記得點寫…),麵食叫左黃魚湯麵同擔擔麵,點心要小籠包同流沙香芋包.

小食唔錯,雞絲粉皮好少出錯,上檯時有點乾,不過撈撈汁就無事了.烤夫的汁好味.黃魚湯麵的魚好鯹,可惜了好濃厚的湯.擔擔麵本來唔錯,不過對我來講辣左的.小籠包可以,流沙包面上的紅唇有的令人無語…

埋單連茶錢每人$8再加一,共$211.

同場加演,中庭的百味草雪糕.原味$48,我覺得一般,不過幾多人食.